الكنانة
دمعة فرت من عينيه
تعرفوا ليه ؟
يمكن تضحكوا علي
مريت من قدام المدرسة
و سمعت نشيد بلادي
لكن كان شيء مش عادي
صوت الموسيقي من غير صوت
الاولاد بكل استهتار
مش بيغنوا واخدنها هزار
ده علم بلدكم و ده نشيدكم
فين احترامكم له ؟
بس دي مش غلطتكم
غلطة اللي ما علمكم
اليوم تستهر بالعلم و النشيد
بكرة تستهر بالارض و العرض
علموا ولادكم يحبوا بلادهم
علموهم يعشقوا الكنانة
دي ارضهم و اصلهم
دي اهلنا و حمانا
posted by schlau_oyoo @ 9:05 AM
4 Comments:
يا آيه
ما هو خلاص عليه العوض ومنه العوض
الجيل الجديد طالع تبع ادلع واطبطب وفين الواوا
واذاكان رب الدار بالدق ضارب
فما شيمه اهل البيت الا الرقص
ربنا يستر بس برضة لازم نحاول مش نقول عليه العوض و بس و اهي محاولة.
الله عليكي يا ايه
اصيلة بنت اصلاء
اذا كان من على ايامي انا و احنا كنا بنغني النشيد و كانت بتحصل مهازل و مكانش بيعمل حاجة من النظار الكبار
خدي بالك انا كنت في ثانوي من زمان اوووووي
من 15 سنة تقريبا
يووووووووه
فكرتيني بالجوب الكحلي و القميص الابيض و الكرافته الكحلي و و و و و
ايام يا مين يرجعهالي و اديله عيوني
تحياتي
فعلا فين ايام زمان و لو كان فينا شوية شقاوة بس مكناش كده و كان عندنا السلام الوطني و النشيد ده شيء عظيم و الا يمكن انا بحلم.
Post a Comment
<< Home