وحشتوني
يمكن علشان مش بعرف اعبر بالكلام
بكتب وفي مكتوبي السلام
بكتب وحشتوني و مشتاقة ليكم
يمكن ما تسمعوه بس هتشوفه عينيكم
تعرفوا قد ايه انا حاسة ببعدكم
و لو كنت اقدر ما كنت سبتكم
بخجل اقول وحشتوني مع اني حساها
بخجل ابص في عيونكم و احنا بنتكلم
و خجلي ضيع مني حاجات كتير كنت حباها
و الخجل ده ميزة بس بحدود و اديني بتعلم
و تلف الايام و القاكم و برضة ما اتكلم
طبعي و صعب اغيره و لو كنت بتألم
posted by schlau_oyoo @ 9:09 AM
5 Comments:
السلا م عليكم
فعلا شعور صعب ان لا يستطيع الانسا ن ان يعبر الانسا ن بحبه بلسا نه فى عصر الكلا م فيه كل شىء با لنسبه لنا س كتير حتى لو كا ن من غير روح ولا اثر حقيقى فى القلب
تحيا تى
شعور صعب جدا بس يا تري هل يجب ان نعبر عن الشعور بالكلام ؟ متهيالي ان كان الكلام مهم فالفعل اهم.
" يمكن عشان مش بعرف اعبر بالكلام"؟؟؟
امال بعد ك لاللي بتقوليه ده و تبقي لسه مش عارفة تعلقي؟؟
امال لو كنتي بتعرفي تعلقي كنتي عملتي فينا ايه يا آيه؟؟
اما بالنسبة للفعل و الكلام
فانا موافقكي ميه ميه مش تسعة و تسعين و تسعة من عشرة
:)
تحياتي
انا بقصد يا صفصف الكلام المباشر علشان كده بكتب كلام علي الورق
و اكيد الواحد ممكن يعبر بالفعل بس احيانا بيحب يسمع كلمة حلوة.
و ربنا يكرمك علي الكلام الحلو ده...ده انت بترفعي من روحي المعنوية جدا.
اولا شكرا لكلامك اللطيف و بعد الشر عليك من الجنان و لو اننا في زمن العاقل فيه منبوذ. فعلا كلامك صح بس ده علي النت مش في الواقع
و شكرا تاني لكلامك.
Post a Comment
<< Home