طريق
بين الحياة و الموت طريق اد ايه قصير
منحسيش بيه بس لازم نمشيه
بنعدي علي الرمل الناعم و علي الصخر فيه
موجة تخبط فينا و موجة تدادينا
موجة تشدنا و لو نضعف تضربنا
موجة بحنية تيجي تلاعبنا
طريق ما تاخد بالك ممكن تتوه فيه
بس اخره واحد و كلنا هنجيه
الحق هات شمسيتك واللي تحتاجه
ما عاد ينفع ترجع تجيب اللي ناسيه
مش باقي من الوقت كتير
و اللي رميته مش هتلاقيه
posted by schlau_oyoo @ 12:40 PM
0 Comments:
Post a Comment
<< Home