داوني
اهدء............ فما جئت معاتبة
و لا اردت الشجار
اهدء..... فكم اضعنا من عمرنا
في فراق و انتظار
اهدء..... و تذكر كم من هفوات
علمتها و صمت عنها
تذكر كم من جروح
داويتها بصبري و الآمي
لا تتلذذ بالصراخ و الشجار
و تتكبر و تظن انه انتصار
ما عاد القلب يحتمل انتظار
اهدء و دع قلبي وسادتك
و دع أناملي تلمس وجنتيك
دعني و أنا بين راحتيك
لا تدعني أرجو الحب منك
فالحب لا يطلب و لا يسئل
اليوم ان هجرتني فلن تعيدني
ساذهب قائلة غير اسفة
داوني بالتي كانت هي الداء
posted by schlau_oyoo @ 8:34 AM
27 Comments:
الله
الله
الله
الله
الله
تحيا تى
وكل سنه وانتى بلفضل حا ل
ايه الجمال ده يا ايه
بجد زي محمد ما قال
الله الله الله
معناها جميييييييييل
و كلماتها اجمل
دمتي رائعة
شكرا يا محمد يا صفصف يا رافعيين من روحي المعنوية.ربنا يخليكوا
الغريب ان العشاق بيضعو نصف عمرهم في فراق وكلام من عينه
لما يجيني لما تتاسف
لما يعتذر
علشان يعرف قميتي
طب وباعدين
هنلاق ان الاتنين ف اول فرصه يبدا الواحد منهم ف الكلام علي طول ترجع الميه لماجريها
والي خسرناه شويه وقت ضاعو من قصه حبنا
عزيزي هيثم مش العاشقيين بس الدنيا كلها كده.دوام الحال من المحال لازم شوية حب فرح زعل خصام في كل شيء.
و شكرا لتشريفك مدونتي
علشان عيونك يا حفصة هكتب شوية نكت عجب.يا صفصف اصل احنا بنحب الشجن و التحابيش و الذي منه.يا بنتي نكديين من يومنا.
انا بهزر يا صفصف لكن ان شاء الله ربنا يكرمنا و يخلي ايامنا كلها فرح وسعادة.
رائعة
اسلوبك جميل وكلماتك معبرة جدا
تحياتي لكي
في انتظار المزيد
ايه حبيبتي
عندي احساس انك بتوجهي تعليقك الاخير ليا
لكن اللي كاتبه مصطفى ابني بالتبني بلوجراويا
انا حفصوتشا ام مصطفيتش
هو مصطفيتش ابن حفصوتشا
هههههههههههههههههه
صح و لا ايه؟
ممكن تخلي دي نكتة الموسم
ههههههههههههههههههههههههههه
اشكرك يا عمرو لكلماتك الرقيقة اولا و لتشريفك مدونتي.
سوري يا صفصف.سوري يا مصطفي...........العتب علي النظر و بعدين بقي في اللخبظة و الاحراج ده.
معلش سماح المرة دي.علشان خاطرك يا مصطفي و خاطر ماما صفصف هكتب لكم نكت و هبعد عن الكآبة
بس و حياتك يا مصطفي ابقي خبط او اضرب جرس قبل ما تدخل علشان مفتكركش ماما و اعمل كده تاني..
ايوى.. بجد وحشتينى أنتى وكتاباتك
عايزة اقولك حاجة بس متضحكيش عليا, ماشى؟ انا اول ما قريت عنوان البوست ده (داونى) افتكرتك هتتكلمى على داونى بتاع الغسيل اللى هو زى كمفرت
:) :) :)
بس بجد رائعة!! حستها كأنها انذار أخير ملىء بالرقة مش عارفة ازاى
كل سنة وأنتى طيبة يا جميل
manal
و انت طيبة يا منولة و بصحة و خير.انت كمان وحشتيني جدا و كنت زعلانة اوي لما قريت البوست بتاعك الاخير و حسيت انك في مود وحدة و عزلة.ربنا يكرمك و يفرحك دايما.
الحقيقة انا فكرت اكتب عن رابسو لان الناس مبقتش بتستخدمه لكن قلت زاوني افضل
شكرا يا منولة علي كلامك اللطيف و اللي زي العسل.يمكن هو فعلا انذار بس المقولة دي صح تماما داوني بالتي هي الداء..
منال!!؟؟ داوني يا منال؟؟!!؟؟
داوني حته واحدة
اذا كانت ايه مضحكتش
فانا مت من الضحك و و قعت على السرير بتاعي
ههههههههههههه
اشكرك "على حسن سلوكه"ههههههههههههه
بجد انا لسه بضحك
مش قادرة
ايه بس اللي حيجيب داوني على بلوج ايه؟؟؟
هههههههههههههههههههههههههههه
يعني لو بلوجي حقولك ماشي
بكتب هرتلة على اي حاجة و كل حاجة
لكن ايه
لا
متزعليش مني لكن بجد ضحكتيني و طلعتيني من مود الكابة اللي فيه
سلام يا عسولة
حفصوصة
هههههههههه
شكلنا مهرتلين احنا الاتنين :) تعالى نشوفلنا حتة نهيس فيها لحسن ايوى تطردنا شر طردة
:)
طب والله قريتها داونى بتاع الغسيل.. بذمتك مش تلغبط
ههههههههه
manal
يعني معقولة يا منولة او يا حفصة انا اطردكم برضة.......ده كلام.ده انتوا مشرفنيني و انهاردة عاملين فتة لزوم توابع العيد.
و الله منولة ضحكتني و مبسوطة جداانك ضحكتي يا صفصف.ربنا يروق بالك.
و بعدين فيها ايه يعني لما اكتب عن داوني.اهو نوع من الدعاية برضة.
بكرة ان شاء الله اكتب عن اريال و برسيل و كل منظفات الغسيل.يلا نظافة بمناسبة العيد
ايه
الداوني خلص
الاقيش عندك كومفورت او ايتها شئ مكافئ
بجد، اين انتي؟؟؟
سلام
ما يتنفعش سافو او رابسو ؟
ازيك يا صفصف و حشتيني جدا . معلش انا مشغولة اليومين دول في الامتحانات و التصحيح.كلها اسبوع و ارجع ان شاء الله.بوسة من هنا و بوسة من هنا.
اذا كان كده معنديش مانع
والنبي اتوصي و انتي بتصححيلهم
صحيح كنت بشد عليهم وقت المتيسة لكن في الامتحان برخي اوي
مش بستحمل اقرص عليهم و بيصعبوا عليا بالذات انهم وقت الامتحانات بيبقوا متوترين
موووووووووووواه
من عينيه يا صفصف........كلهم ناجحين حتي من غير ما اصحح.ما تخافيش يا صفصف انا بخاف اوي عليهم.
اخبار امتحانتك انت ايه ؟
مش معقولة بقى يا ايه
بقالك سنة مكتبتيش اي حاجة
ده يصح برضو؟؟
ايه يا بنتي
شكلك سقطتي العيال راحوا زقلوكي بالطوب
انا عارفة الحكرات بتاعتهم
يا ما اتنشيت
يلا
ابقي طمنيني عليك يو ارجع بقى
سلام
ازيك يا صفصف و حشتيني جدا انت و منال و محمد و كل الاصدقاء اللذاذ اللي دايما بيسالوا علي.معلش انا و الله مشغولة جدا جدا و دعواتك و نفسي اطمن عليك انت كمان.مستنية رسائل اوف لاين منك.
وحشتينى ووحشتنى مدونتك الحلوه دى
انتى فين ياماما
مختفيه كده ليه؟؟
اظهر وبان وعليك الامان
ياللا بقى تعالى
ازيك يا جميل و انت و الله وحشاني و كل مدوناتكم بس انا و الله ربنا اعلم مش عارفة حتي اخد نفسي من كتر اللي ورايا.دعواتكم.
هااااااااااااااااى يا جماعه
كل سنه وانتوا طيبين ويارب كل ايامكم تكون كلها حب وفرح
انا عامله حفله صغنونه عندى على مدونتى
ونفسي بجد انكم تيجوا كلكم
ونحتفل مع بعض كلنا
مستنياكو
شكرا علي الدعوة يا جميل بس مقلتيش الحفلة امتي ؟ و الا الدعوة مفتوحة ؟ و بعدين ايه المناسبة يا عفريتة ؟ يلا قولي....يا رب يجعل ايامك كلها افراح و سعادة
اذا لم يقوم بالرد عليكى بما معناه
تعالى أحبك قبل الرحيلا
فلم يبقى في العمر الا قليلا
يبقى يستاهل اللي هيحصله ويجراله
أه يا ماجد..قل له. و الا لازم العين الحمرا.
Post a Comment
<< Home